ओली आज कपिलवस्तु आउँदै, ‘काँग्रेस नेता शाहको अभिनन्दन, सयौँ प्रवेश गर्ने’

मायादेवी अनलाइन, चारनम्बर ।
पुर्वप्रधानमन्त्री एवम् नेकपा एमालेका अध्यक्ष केपी शर्मा ओली आज कपिलवस्तु आउँदै हुनहुन्छ । बहादुरगन्जमा आयोजना गरिएको आम सभालाई सम्वोधन गर्ने उहाँ कपिलवस्तु आउन लाग्नु भएको हो । उहाँसंगै दर्जन बढी केन्द्रिय नेता कार्यकर्ता यहाँ आउने पार्टीले जनाएको छ । ओली दिउसो १ बजेसम्म आइपुग्ने कार्यक्रम तय भएको जिल्लाअध्यक्ष झविलाल पोख्रेलले जानकारी दिनुभयो ।

कार्यक्रममा जिल्लभरबाट ५ हजार बढी नेता कार्यर्ताको सहभागिता हुने छन् भने बिभिन्न पार्टी परित्याग गर्ने सयौँजना प्रवेश गर्ने कार्यक्रम राखिएको पोख्रेलले बताउनुभयो ।

कपिलबस्तुका चर्चित राजनितीज्ञ मंगल प्रसाद गुप्ताको नेतृत्वमा मानिसहरु प्रवेश गर्ने कार्यक्रमको सबै तयारी पुरा भएको पार्टीले जनाएको छ । ओलीको आगमन हुने भएपछि जिल्लाको सरक्षा ब्यवस्था पनि कडा पारिएको छ ।

यसैबीच पूर्वप्रधानमन्त्री ओलीलाई अभिनन्दन गरिने भएको छ । नेपाली कांग्रेसका युवा सांसद अभिषेकप्रताप शाहले एमालेका अध्यक्ष ओलीलाई अभिनन्दन गर्ने घोषणा गर्नुभएको हो । आफ्नो पार्टीको कार्यक्रमलाई सम्बोधन गर्न भोलि कपिलवस्तु आउन लाग्नुभएका प्रतिपक्षी दलका नेता ओलीलाई साहले स्वागत तथा अभिनन्दन गर्न लाग्नुभएको हो ।

पूर्वप्रधानमन्त्री ओली आफ्नो निर्वाचन क्षेत्र तथा कर्म भूमि बहादुरगंजमा आउन लागेकोले उहाँँको स्वागत तथा अभिनन्दन गर्न लागेको साहले बताउनुभयो । साहले यसअघि जसपाका अध्यक्ष उपेन्द्र यादवलाई पनि कपिलवस्तु आउँदा आफ्नै निवासमा स्वागत गर्नुभएको थियो ।ओली हिजो नै आएर रुपन्देही वस्नुभएको छ ।