प्याब्सन कपिलवस्तुको अध्यक्षमा सुन्दर पाण्डे विजयी

मायादेवी अनलाइन, जितपुर ।

नीजि तथा आवासिय विद्यालय अर्गनाइजेशन प्याब्सन नेपाल कपिलवस्तुको अध्यक्षमा सुन्दर पाण्डे विजयी हुनुभएको छ ।

प्याब्सनको नयाँ नेतृत्वका लागि आज भएको निर्वाचनमा पाण्डे ५३ मत सहित विजयी हुनुभएको हो । पाण्डेका प्रतिद्धन्दी बासुदेब घिमिरेले २३ मत प्राप्त गर्नुभयो । यस्तै उपाध्यक्षमा तोयानाथ गैरे निर्वाचित हुनुभएको छ ।

उहाँका प्रतिस्पर्धी राजु अधिकारीले ३५ मत प्राप्त गर्नुभयो । यसैगरी सहसचिवमा दिपक प्रसाद भुसाल ४० मत सहित निर्वाचित हुनुभएको छ । उहाँका प्रस्तीपर्धी विजयकुमार गुप्ताले ३६ मत प्राप्त गर्नुभयो । अध्यक्षमा निर्वाचित सुन्दर पाण्डे लिटिल स्टार बोर्डिङ स्कूल ओदारीका प्राचार्य हुनुहुन्छ ।