च्याम्पियन्स लिगः युनाइटेड र पिएसजी प्रि–क्वाटरफाइनलमै भिड्ने

एजेन्सी । इंग्लिस क्लब म्यानचेस्टर युनाइटेड र फ्रान्सेली क्लब पेरिस सेन्ट जर्मेन (पिएसजी) च्याम्पियन्स लिगको प्रि–क्वाटरफाइनलमा नै भिड्ने भएका छन् ।

नियोनमा मंगलबार भएको ‘ड्र’ अनुसार समूह ‘एफ’ को विजेता म्यानचेस्टर युनाइटेडले समूह ‘ए’ को उपविजेता पिएसजी प्रतिद्धन्द्धी पाएको हो । यसको अर्थ आधुनिक फुटबलका हस्ती पोर्चुगिज क्रिस्टियानो रोनाल्डो र अर्जेन्टिनी लियोनल मेस्सी पुनः एकपटक आमने–सामने हुने भएका हुन् ।

यस्तै साविक विजेता इंग्लिस क्लब चेल्सीले फ्रान्सेली क्लब लिल प्रतिद्धन्द्धी पाएको छ । च्याम्पियन्स लिगको सर्वाधिक १३ पटकको च्याम्पियन स्पेनिस क्लब रियल म्याड्रिडले पोर्चुगिज क्लब बेन्फिका प्रतिद्धन्द्धी पाएको छ । इंग्लिस क्लब लिभरपुलले अष्ट्रियन क्लब साल्जवर्ग प्रतिद्धन्द्धी पाउँदा इंग्लिस क्लब म्यानचेस्टर सिटीले स्पेनिस क्लब भिल्लारियलसँग खेल्नेछ ।

जर्मन क्लब बायर्न म्युनिखले स्पेनिस क्लब एट्लेटिको म्याड्रिड प्रतिद्धन्द्धी पाउदा इटालियन क्लब युभेन्ट्सले पोर्चुगिज क्लब स्पोर्टिङ सिपीसँग प्रि–क्वाटरफाइनलमा प्रतिस्पर्धा गर्नेछ । यस्तै इटालियन क्लब इन्टर मिलानले डच क्लब आयाक्ससँग खेल्नेछ ।

च्याम्पियन्स लिगको प्रि–क्वाटरफाइनलको पहिलो लेग १५ र १६ तथा २२ र २३ फ्रेब्रुअरीमा तथा दोस्रो लेग ८ र ९ तथा १५ र १६ मार्चमा हुनेछ ।

समूह विजेतास् म्यानचेस्टर सिटी, लिभरपुल, आयाक्स, रियल म्याड्रिड, बायर्न म्युनिख, म्यानचेस्टर युनाइटेड, लिल, युभेन्टस

समूह उपविजेतास् पिएसजी, एट्लेटिको म्याड्रिड, स्पोर्टिङ लिस्बन, इन्टर मिलान, बेन्फिका, भिल्लारियल, रेड बुल साल्जबर्ग, चेल्सी