मायादेवी अनलाइन, वाणगंगा ।
नेकपा (मसाल) की नेतृ चन्द्रबधन श्रेष्ठको निधन भएको छ । कपिलवस्तुको वाणगंगा नगरपालिका वडा नं. ४ बस्ने श्रेष्ठको शुक्रबार आफ्नै निवासमा निधन भएको हो ।
जीवनका उर्जाशिल समय नेकपा (मसाल)मा विताउनुभएकी श्रेष्ठ महिला आन्दोलनको क्षेत्रमा अग्रपंक्तिमा रहदै आउनुभएको थियो ।
नेकपा (मसाल) निकट अखिल नेपाल महिला संघको पूर्व कपिलवस्तु अध्यक्ष, केन्द्रीय सदस्य भएर काम गर्नुभएकी श्रेष्ठ झण्डै तीन महिना देखि विरामी हुनुभएको थियो ।
सुरुमा कोभिड-१९ को संक्रमण देखिएको उहाँमा पछिल्लो समय भने कोभिड-१९ थिएन । नेपालका धनगढी, बुटवल लगायतका स्थानमा उपचार गराए पनि उहाँलाई विरामीले च्यादै लगेको थियो ।
महिला हिंसा विरुद्ध आवाज उठाउँदै समग्र महिला अधिकारको क्षेत्रमा क्रियाशिल रहदै आउनुभएकी नेतृ श्रेष्ठको निधन महिला हिंसा विरुद्धको १६ दिने अभियानकै बीचमा हुनु पुगेको छ ।
पार्टीको पुरानो नेताको निधनसंगै नेकपा (मसाल)का नेता तथा कार्यकर्ताले सामाजिक सञ्जालमा दुःख व्यक्त गरिरहेका छन् ।
प्रतिक्रिया