कांग्रेस महाधिवेशन प्रतिनिधिमा कपिलवस्तु नगरका मेयर किरण सिंह पराजित

मायादेवी अनलाइन, वाणगंगा ।
नेपाली कांग्रेसको महाधिवेशन प्रतिनिधिमा कपिलवस्तु नगरपालिकाका नगर प्रमुख किरण सिंह पराजित भएका छन् ।

बुधबार सम्पन्न क्षेत्रीय अधिवेशन अन्तरगत विहीबार राति सकिएको मतगणनामा सिंह महाधिवेशन प्रतिनिधिमा पराजित भएका हुन् ।

मेयर नै महाविधेशन प्रतिनिधिमा पराजित भए पछि राजनीतिक वृत्तमा विभिन्न चर्चा चल्न थालेको छ । बेला बेला गुट अदलबलद गर्ने सिंहलाई यो पालि मतदाताले विश्वास नगरेको चुनावी परिणामले देखाएको छ ।

यसभन्दा अगाडी क्षेत्र नं. १ को प्रदेश सभा ‘क’ मा वाणगंगा नगरपालिकाका मेयर मंगलप्रसाद थारु पराजित भएका थिए । उनलाई दुर्गा केसीले पराजित गरेका थिए ।

साथै महाधिवेशन प्रतिनिधिसमा राष्ट्रिय सभा सदस्य दीर्घनारायण पाण्डेय पनि पराजित भएका छन् ।

कपिलवस्तुको प्रतिनिधिसभा २ बाट महाधिवेशन प्रतिनिधिको उम्मेद्वार रहेका उनी पराजित भएका हुन् ।