मायादेवी अनलाइन, जितपुर ।
३ दिनदेखि बेपत्ता विक्रम पौडेलको खोजिकार्यमा लाग्न नेकपा (एकीकृत समाजवादी) शिवराज नगर कमिटीले आग्रह गरेको छ । सोमबार एक विज्ञप्ती जारी गर्दै शिवराज नगरपालिका ५ निवासी पौडेलको खोजी गरि सत्यतथ्य बाहिर ल्याउन प्रशासनलाई आग्रह गरेको हो ।
पार्टी नगर कमिटी अध्यक्ष सरोज पौडेल र सचिव विष्णु पाण्डेद्धारा जारी विज्ञप्तीमा पौडेलको खोजी गरि सत्यतथ्य बाहिर ल्याउन माग गरिएको छ ।
विक्रम पौडेलको अवस्था पत्ता लगाएर घटनाका दोषी माथि कडा कारवाहीको माग गर्दछौ जारी विज्ञप्तीमा भनिएको छ । यसका साथै पौडेलको खोजी कार्यका लागि सहयोग पुर्याउन जनसमुदाय समक्ष पनि आग्रह गरेको छ ।
यहि मंसिर ३ गते साझ साढे ७ बजेबाट बेपत्ता पौडेलको मोटरसाइकल शनिबार बिहान ५ बजे बुद्धभूमि ९ बेलनदीमा र आइतबार बिहान ८ बजे मोबाइलफोन दनिमा भेटिएको थियो ।
प्रतिक्रिया