महिलाहरुलाई नेतृत्व विकास प्रशिक्षण प्रदान

मायादेवी अनलाइन, जितपुर ।

कपिलवस्तुमा महिलाहरुलाई नेतृत्व विकास प्रशिक्षण प्रदान गरिएको छ । वाणगंगा नगरपालिका ४ मा रहेको सिद्धिपुर सामाजिक विकास महिला संस्थाको आयोजनामा उनिहरुलाई नेतृत्व तथा क्षमता अभिबृद्धीका लागि प्रशिक्षण दिइएको हो । कार्यक्रम वाणगंगा नगरपालिका महिला तथा बालबालिका शाखा प्रमुख सुसिला पन्तको प्रमुख आतिथ्यतामा भएको हो ।

कार्यक्रममा बोल्दै प्रमुख अतिथी पन्तले यस्ता प्रशिक्षण मूलक कार्यक्रमले महिलाको क्षमता अभिबृद्धिमा विकास गर्ने भन्दै आगामी दिनमा पनि यस्ता कार्यक्रम गर्न आग्रह गर्नुभयो । महिलाको विकास तथा क्षमता बृद्धि गराउने कार्यक्रममा नगरपालिका सकरात्मक रहेको पनि उहाले बताउनुभयो । कार्यक्रममा अधिकारकर्मी रोमकान्त घिमिरेले नेतृत्व विकास सम्बन्धी प्रशिक्षण दिनुभएको थियो । प्रशिक्षण निकै प्रभावकारी भएको सहभागीले बताएका छन् । कार्यक्रममा प्रदान गरिएको ज्ञानले आफुहरुको जीवनमा सकारात्मक उर्जा प्राप्त भएकाले सकरात्मक उर्जा प्रदान गरेकोमा प्रशिक्षक घिमिरेलाई धन्यवाद दिएका छन् ।

वाणगंगा नगरपालिकाको सहयोग रहेको कार्यक्रम संस्थाका अध्यक्ष सितादेवी न्यौपानेको अध्यक्षता, अप्सरा अधिकारीको स्वागत मन्तब्य र खुमा कुवँरको संचालनमा सम्पन्न भएको हो ।