काठमाडौं ।
नेपालमा पछिल्लो २४ घण्टामा थप २९९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार देशभर गरिएको ७ हजार ८६३ पीसीआर र ३ हजार २८८ जनाको एन्टीजेन परीक्षणका क्रममा २९९ जनामा संक्रमण पुष्टि भएको हो ।
योसँगै कुल संक्रमितको संख्या ८ लाख १८ हजार ३०७ जना पुगेको छ। कुल संक्रमितमध्ये ७ हजार ६४२ जना सक्रिय संक्रमित रहेको मन्त्रालयले जारी गरेको विज्ञप्तिमा जनाइएको छ।
मन्त्रालयका अनुसार गत २४ घण्टामा २६० जना संक्रमित निको भएका छन्। योसँगै देशभर निको हुनेको संख्या ७ लाख ९९ हजार १७६ पुगेको छ।
सोही अवधिमा ६ जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या ११ हजार ४८९ पुगेको छ।
प्रतिक्रिया