दाङको बबईमा जीप दुर्घटना हुँदा एकको मृत्यु

दाङ ।
सल्यानको कालीमाटीबाट दाङतर्फ आउँदै गरेको यात्रुबाहक जीप दुर्घटना हुँदा एक जनाको मृत्यु भएको छ भने ११ जना घाइते भएका छन्। इलाका प्रहरी कार्यालय तुलसीपुरका प्रमुख डिएसपी श्यामु अर्यालका अनुसार दुर्घटनामा परी जीप धनी देवबहादुर सुनारको घटनास्थलमै मृत्यु भएको छ।

दाङको बबई गाउँपालिका वडा नं ३ ठाडो खोलामा बिहान साढे ९ बजेतिर जीप दुर्घटनाको खबर आएपछि प्रहरी घटनास्थलतर्फ पठाएर घाइतेको उद्धार गरिएको इलाका प्रहरी कार्यालय हापुरेका सई केशव रेग्मीले जानकारी दिए।

जीपको अल्फाबेट खुलिनसकेको र घाइतेलाई उद्धार गरी तुलसीपुरतर्फ पठाउने क्रम जारी रहेको उनले बताए। केही घाइतेलाई थप उपचारको लागि हेलिकप्टरबाट काठमाडौं लैजाँदै गरिएको प्रहरीले जानकारी दिएको छ।