मायादेवी अनलाइन, बुद्धभूमि ।
एमाले बुद्धभूमि नगर कमिटीको अधिवेशनमा लफडा भएको छ । मंगलबार भएको नगर अधिवेशनमा नेतृत्व चयन प्रक्रिया सर्वसम्मत ढंगबाट भएको भनिए पनि लफडा मच्चिएको अधिवेशनमा सहभागी एक नेताले मायादेवी अनलाइनसंग बताए ।
पार्टी नेतृत्वले अधिवेशन प्रतिनिधिको चाहना विपरित जवरजस्त नगर कमिटी घोषणा गरेपछि लफडा मच्चिएको ती नेताले जनाए ।
कार्यकर्ताको भावना अनुसार नगर कमिटी नबनेको भन्दै ठूलो संख्याका प्रतिनिधिले अधिवेशन बहिस्कार गरेको उनले बताए ।
नगरमा अध्यक्ष र पदाधिकारीमा धेरैको उम्मेद्वारी परेको थियो । पार्टी नेतृत्वले कुनै पनि हालतमा चुनाव हुन्न भनेपछि अधिवेशन वहिस्कार गर्न प्रतिनिधि बाध्य भएका हुन् ।
बहिस्कार गरेर अधिवेशनबाट उठेका नेताले भने पार्टी नेतृत्व आफ्नो निर्णयमा सच्चिन नखोजे परिणाम महंगो पर्न जाने चेतावनी दिएको छ ।
आज बनेको कमिटीमा अध्यक्ष बाहेक कुनै अनुहार पुराना देखिएका छैनन् । पार्टी फुटको बेलामा नेतृत्व गर्दै आएका नेताहरुलाई नेतृत्वले वेवास्था गरेको असन्तुष्ट पक्षको आरोप छ ।
बुद्धभूमि नगरको अधिवेशनका लागि जिल्ला अध्यक्ष झविलाल पोख्रेल खटिएका थिए । अन्तका पालिका अधिवेशनमा बाहिर देखिने गरी असन्तुष्टि नआए पनि अध्यक्ष पोख्रेल सहभागी भएको कार्यक्रमको असन्तुष्टि आएको हो ।
बुद्धभूमिमा उनी पक्षिय मानिदै आएका देवी बेल्वासे अध्यक्षमा आएका छन् ।
प्रतिक्रिया