एमाले बुद्धभूमि नगर कमिटीको अध्यक्षमा देवी बेल्वासे सर्वसम्मत चयन

मायादेवी अनलाइन, बुद्धभूमि ।
नेकपा (एमाले) बुद्धभूमि नगर कमिटी अध्यक्षमा देवी बेल्बासे सर्वसम्मत चयन हुनुभएको छ । नेकपा विभाजन पश्चात नगर कमिटीको अध्यक्ष सम्हाल्दै आउनुभएका बेल्वासे नगरको प्रथम अधिवेशनमा पनि सर्वसम्मत अध्यक्षमा चुनिनुभएको हो ।

२०४३ सालमा अनेरास्ववियु हुँदै विद्यार्थी राजनीतिमा होमिनु भएका बेल्वासे २०४६ सालको जनआन्दोलनमा अर्घाखाँची जिल्लाबाट सहभागी हुनु भएको थियो । अर्घाखाँचीको सिद्धारा गाविस ३ वर्रेका स्थायी बासिन्दा बेल्वासे २०४६ सालमा कपिलवस्तुको साबिक वरकुलपुर गाविसमा झर्नुभएको हो ।

बेल्वासे २०६४ साल देखि २ कार्यकलसम्म वरकुलपुर गाउँ कमिटी अध्यक्ष बन्नुभएको थियो । २०६६ सालमा राष्ट्रिय युवा संघ नेपाल कपिलवस्तुको जिल्ला अध्यक्ष, २०७१ सालमा नेकपा एमाले जिल्ला कमिटी सदस्य, भृकुटी नगरपालिकाको पहिलो संगठन कमिटी अध्यक्ष, बुद्धबाटिका र भृकुटी नगरपालिका एकिकरण पछि जिल्ला कमिटी सचिवालय सदस्य हुँदै २०७७ सालमा पनि बुद्धभूमि नगर कमिटी अध्यक्ष हुनुहुन्थ्यो ।