कस्तो रहला आजको मौसम ? सातै प्रदेशको विवरण पढ्नुहोस्

काठमाण्डौँ ।
देशका अधिकांश स्थानमा आजको मौसममा सामान्यदेखि आंशिक बदली रहने जल तथा मौसम पूर्वानुमान महाशाखाले जनाएको छ

प्रदेश १, २, बागमती र गण्डकीमा सामान्य बदली र बाँकी प्रदेशमा आंशिकदेखि सामान्य बदली रहने मौसमविद्ले जानकारी दिएका छन् ।

प्रदेश १, बागमती, र गण्डकी प्रदेशका एक–दुई स्थानमा मेघगर्जन र चट्याङ्सहित हल्का वर्षाको सम्भावना रहेको छ ।

अहिले बिहान देशभर आंशिकदेखि सामान्य बदली रही प्रदेश १ र बागमती प्रदेशका एक–दुई स्थानमा हल्का वर्षा भइरहेको छ ।

आज राति पनि देशभर आंशिकदेखि सामान्य बदली रहने महाशाखाले जारी गरेको सूचनामा उल्लेख छ ।

प्रदेश १, बागमती, र गण्डकी प्रदेशका थोरै स्थानहरूमा र बाँकी प्रदेशका एक–दुई स्थानहरूमा राति मेघगर्जन र चट्याङ्सहित हल्का वर्षाको सम्भावना रहेको छ ।

हाल नेपालमा असर गर्ने उलेखनीय मौसमी प्रणाली नरहेको महाशाखाले जनाएको छ ।