पत्रकार भुसालको काँधमा कपिलवस्तु इन्चार्जको जिम्मा

मायादेवी अनलाइन, चार नम्बर ।

नेपाल पत्रकार महासंघ कपिलवस्तुका निवर्तमान अध्यक्ष डिलाराम भुसालले प्रेस सेन्टर नेपाल कपिलवस्तुको जिल्ला इन्चार्जको जिम्मा पाउनु भएको छ । माओवादी केन्द्र निकट पत्रकारहरुको भातृ संगठन प्रेस सेन्टरको केन्द्रीय कमिटीको बैठकले भुसाललाई जिल्ला इन्चार्जको जिम्मेवारी दिएको हो ।

इन्चार्जको जिम्मा पाएपछि मायादेवी अनलाइनसंग कुराकानी गर्दै भुसालले पत्रकारिता पेशालाई विश्वसनीय, स्वच्छ र स्वस्थ बनाउन थप जिम्मेवार भएर लाग्ने बताउनु भयो ।

मुलुकको परिवर्तनमा पत्रकारको अहम् भूमिका भएकाले प्रेस संगठनले त्यस्तै पत्रकारको खोजी गरिरहेको बताउनु भयो । उहाँले प्रेस सेन्टर नेपाल अहिले अधिवेशनको तयारीमा रहेको हुनाले जिल्लामा पनि कार्तिक ६ गते अधिवेशन हुन लागेको बताउँदै अब आफू त्यसकै तयारीमा जुटेको बताउनु भयो । बाणगंगा नगरपालिका वडा नम्ब्र ७बनगाई स्थायी घर भएका पत्रकार भुसाल युवा ब्यवसायी पनि हुनुहुन्छ ।