टी ट्वान्टी विश्वकप क्रिकेटमा आज दुई खेल

काठमाडौं । युएई र ओमानमा जारी आईसीसी टी ट्वान्टी विश्वकप क्रिकेटमा आज मंगलबार दुई खेलहरु हुँदैछन् ।पहिलो चरणको समूह ुबीु अन्तर्गतको दुबै खेल ओमान क्रिकेट एकेडेमी मैदानमा हुनेछ ।

पहिलो खेलमा स्कटल्याण्ड र पपुवा न्यू गिनी (पीएनजी) बीच प्रतिस्पर्धा हुनेछ । दुई टोलीबीचको खेल नेपाली समय अनुसार ३स्४५ बाट सुरु हुनेछ।दुबै टोलीको यो दोस्रो खेल हो । यस अघि स्कटल्याण्डले बंगलादेशलाई ६ रनले पराजित गरेको थियो भने पीनजीले आयोजक ओमानसँग १० विकेटको हार व्यहोरेको थियो ।

त्यसैगरी दोस्रो खेलमा ओमान र बंगलादेशबीच प्रतिस्पर्धा हुनेछ । ओमान र बंगलादेशबीचको खेल राति ७स्४५ बजे सुरु हुनेछ। ओमान लगातार दोस्रो जितको खोजीमा हुनेछ । बंगलादेश भने पहिलो जितको खोजीमा हुनेछ ।