अरिङ्गालको टोकाईबाट अर्घाखाँचीमा ९ घाइते, ३ को अवस्था गम्भीर

अर्घाखाँची ।
शितगंगा नगरपालिकाको वडा नम्बर २ सितापुरमा अरिङ्गालको टोकाइबाट ९ जना घाइते भएको छन । आइतबार दिउँसो खेतमा धान काटिरहेको समयमा अरिङ्गालले टोक्दा उनीहरु घाइते भएको इलाका प्रहरी कार्यालय ठाडाले जनाएको छ ।

घाइते मध्ये ३ जना गम्भिर रहेका र उनीहरुलाई थप उपचारको लागि बुटवल रिफर गरिएको छ । घाइते मध्ये किरण क्षत्री, करिना क्षेत्री र सन्जु क्षत्रीलाई थप उपचारको लागि रिफर गरिएको हो । बाँकी ६ जनाको स्थानीय सितापुर स्वास्थ्य चौकीमा उपचार भइरहेको छ ।