शिवराजमा एकैरात ५ घरमा चोरी

मायादेवी अनलाइन, जितपुर ।

कपिलवस्तुको शिवराज नगरपालिकामा गएराति ५ घरमा चोरी भएको छ । शिवराज नगरपालिका ५ का ५ घरमा एकैसाथ चोरी भएको प्रहरीले जनाएको छ।

सामुदायिक रेडियो भ्वाइसकी स्टेशन म्यानेजर गिता पौडेलको लु ५६ प १७२० न को बाइक नगद, टेकलाल पौडेलको नगद सहित गरगहना, टेकलाल पौडेलको घरमा भाडामा बस्नेको स्कुटर, अधिकारीको घरमा जिन्सी अन्य २ घरबाट जिन्सी लगाएतका सामानहरु गएराति चोरी भएको हो । इलाका प्रहरी कार्यालय चन्द्रौटाले घटनाबारे अनुसन्धान भैरहेको बताएको छ ।

प्रहरीकोे टोली चोरी भएको ठाउँमा गएको र के कति चोरी भएको भन्ने बारे विवरण संकलन गर्दै छ । अन्य २ घरमा पनि चोरी भएको र उक्त घरबाट के कति सामान चोरी भएको हो भन्ने बारे विवरण आईसकेको छैन् । चोरीका सामान र चोरलाई छिट्टै पत्ता लगाउने इलाका प्रहरी कार्यालय चन्द्रौटा इन्सपेक्टर शंकर आचार्यले बताउनु भयो ।

घटनाबारे बिस्तृत बिवरण आउन बाकि रहेको छ । चाडपर्वको बेलामा यस्ता घटना बढि मात्रमा हुने भएकाले सावधानी अपनाउन प्रहरीले आग्रह गरेको छ ।