दशैंमा विदा रहेका सरकारी र निजी कार्यालय आजबाट खुल्ने

काठमाडौं ।
दशैँका कारण बन्द रहेका सरकारी कार्यालय र बैंक तथा वित्तीय संस्था आजदेखि सञ्चालनमा आउने भएका छन् । दशैँ बिदा सकिएकाले आजदेखि सरकारी कार्यालयहरु सञ्चालनमा आएका हुन् ।

असोज २६ गते फूलपाती देखि ५ दिन बन्द रहेको सरकारी कार्यालय, बैंक तथा वित्तीय संस्था आजदेखि खुल्ने भएका हुन् । सेयर बजार पनि आजैबाट खुल्नेछ ।

यस्तै दशैँ मनाउन कार्यक्षेत्रबाट घर–गाउँ गएकाहरु पनि फर्कन थालेका छन् । यसवर्ष कोरोना सङ्क्रमणमा कमी आएसँगै करिब १० लाख मानिस काठमाडौंबाट बाहिरिएको अनुमान गरिएको छ ।

त्यसैले यसपटक दशैंमा निकै चहलपहल देखिएको छ । दशैँ बिदा सकिएकाले काठमाडौसहित मूख्य शहरमा चहलपहल बढेको छ ।