३० मिनेटको खेलसम्म नेपाल र भारत गोलरहित बराबरीमा

काठमाडौं ।
नेपाल र भारतबीचको खेलमा हालसम्म गोल हुन सकेको छैन । कडा प्रतिस्पर्धाकाबीच नेपाल र भारत दुबैले गोल गर्ने अवसर बनाए पनि हालसम्म कुनै गोल हुन नसकेको हो । यसअघि नेपालका लागि सुमन लामाले दिएको पासमा नवयुग श्रेष्ठले गोल गर्ने अवसर पाएपनि सो अवसर उपयोग हुन सकेन ।

माल्दिभ्समा जारी १३ औं संस्करणको साफ च्याम्पियनसिपको फाइनलमा हालसम्म खेल रोमाञ्चक रहेको छ । खेल मैदानमा भारी वर्षा भएकाले खेलाडीहरूलाई नियन्त्रण बनाउन असहज भने भैरहेको छ ।

साफ च्याम्पियनसिपमा यो नेपालको पहिलो फाइनल हो । प्रतियोगिताको २८ वर्षे इतिहासमा नेपाल पहिलोपटक फाइनल पुगेको भएपनि अब उपाधि नै जित्ने तयारीमा लागेको छ । भारत भने दक्षिण एसियामा आफ्नो दबदबा कायम राख्न चाहन्छ ।