गुल्मी जिप दुर्घटना अपडेटः तीनको मृत्यु, दुईको सनाखद

बिष्णु कुमार आले, अर्घाखाँची ।
गुल्मीको मुसीकोटमा जीप दुर्घटना हुँदा ३ जनाको घटनास्थलमै मृत्यु भएको छ । दुर्घटनामा परि अन्य ७ जना घाइते भएका छन् । शान्तिपुरबाट १० जना यात्रु बोकेर तम्घास जाँदै गरेको लु १ ज ४५५९ नम्बरको जिप मुसिकोट ४ दोभान नजिकै तम्घास जानेबाटोमा बुधबार बिहान सभा ११ बजे दुर्घटना हुदा गुल्मी चन्द्रकोट ४ का ४२ बर्षीय तेजेन्द्र थापा र चन्द्रकोट ५ का ३५ बर्षीय रेशम कार्कीको घटनास्थलमै ज्यान गएको हो ।

मृतक एक जना महिलाको सनाखद हुन सकेको छैन । घाइतेहरूलाई स्थानीय र प्रहरीले उद्दार गरि तम्घास र पाल्पा अस्पतालमा उपचारका लागि पठाउने काम भैरहेको घटनास्थलबाट प्रहरी निरिक्षक सन्तोष चन्दले जानकारी दिए ।

उकालो सडकमा गुडिरहेको जिप एक्कासी अनियन्त्रित भई करिव २ सय ८० मिटर तल खोलाको किनारमा खसि दुर्घटना ग्रस्त भएको प्रहरीले जनाएको छ ।

यो पनि… गुल्मीमा जीप दुर्घटना हुँदा तीन जनाको मृत्यु