ठुलो ढुंगासहित पहिरो खसेपछि गोरूसिङगे सन्धिखर्क सडकखण्ड अवरुद्ध

बिष्णु कुमार आले, अर्घाखाँची ।
अविरल बर्षाका कारण पहिरो जाँदा गोरूसिङगे सन्धिखर्क सडकखण्ड अवरुद्ध भएको छ । सडकखण्डको शितगंगा १२ सल्लेरीमा अहिले माथीबाट पहिरो खसेपछि दर्जनौं सवारी साधन रोकिएका छन् ।

ईलाका प्रहरी कार्यालय ठाडाका सहि सालिकराम खनालको कमान्डमा प्रहरीको टोली पहिरो खसेको स्थलमा पुगेपनि सडक बिभागको डोजर आउदै गरेको र आएपछि मात्रै पहिरो हटाउने काम सुरू हुने प्रहरी सई सालिकराम खनालले बताए । पहिरोसंगै ठुलो ढुंगो सडकबीचमा भएका कारण पहिरो हटाउन समस्या भएको हो ।

ढुङ्गा डोजरले हटाउन सके सडक तत्कालै खुल्ने तर नसकेको खण्डमा सडकको कुनाबाट बैकल्पिक सडक खन्नु पर्ने अवस्था रहेको प्रहरीले जनाएको छ ।सडक अवरुद्ध भएपछि गन्तव्यमा हिडेका यात्रुहरू बिच बाटोमै अलपत्र परेका छन् ।