थपिए १ हजार ८०१ संक्रमित, २३ को मृत्यु

काठमाडौं ।

आइतबार थप १ हजार ८०१ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसिआर र एन्टिजेन विधिबाट कुल ९ हजार ६२८ जनाको नमुना परीक्षण गर्दा सो संख्याका संक्रमित थपिएका हुन्।

थप २३ जनाको संक्रमणका कारण मृत्यु भएको मन्त्रालयले जनाएको छ। यीसहित हालसम्म कोरोनाबाट मृत्यु हुनेको संख्या ९ हजार ५५० पुगेको छ।

पछिल्लो २४ घण्टामा १ हजार ६६७ जना कोरोनाबाट मुक्त भएका छन्। मन्त्रालयका अनुसार कुल संक्रमितमध्ये निको हुनेको संख्या ९४।७ प्रतिशत रहेको छ भने मृत्यु हुनेको दर १।५ प्रतिशत छ।