सरकारको पक्षमा विश्वासको मत दिन आफ्ना सांसदहरुलाई कांग्रेसको ह्वीप जारी

काठमाण्डौ ।

नेपाली कांग्रेस संसदीय दलको बैठकले आइतबारको प्रतिनिधि सभा बैठकमा अनिवार्य उपस्थिति भएर सरकारको पक्षमा विश्वासको मत दिन सांसदहरुलाई ह्वीप जारी गरेको छ ।

नयाँ बानेश्वरको संघीय संसद भवनमा बसेको कांग्रेस संसदीय दलको बैठकले कांग्रेसका सम्पूर्ण सांसदहरुलाई प्रतिनिधि सभाको बैठकमा अनिवार्य उपस्थित भएर सरकारलाई विश्वासको मत दिन ह्वीप जारी गरेको नेपाली कांग्रेस संसदीय दलकी सचेतक पुष्पा भुसालले बताउनुभयो । कांग्रेसले आफूलाई साथ दिने अन्य राजनीतिक दलहरुलाई पनि विश्वासको मतको पक्षमा साथ दिन आह्वान गरेको छ ।