गुल्मीदरबार गाउँपालिकाका अध्यक्ष थापाको निधन

बिष्णु कुमार आले, अर्घाखाँची ।

गुल्मी जिल्लाको गुल्मीदरबार गाउँपालिकाका अध्यक्ष अशोक कुमार थापाको निधन भएको छ। ७४ बर्षिय अध्यक्ष थापाको उपचारको क्रममा आज बिहिवार बिहान निधन भएको गाउँपालिकाका प्रवक्ता टोप बहादुर बस्नेतले जानकारी दिए ।

दुई महिना अघि नेपाल प्रहरी अस्पताल काठमाडौं जावलाखेलमा उपचार गराईरहेका थापाले पछिल्लो समय काठमान्डौं जावलाखेल स्थित एक निजी क्लिनिकमा उपचार गर्दै आएका थिए । थापाको उपचारको क्रममा काठमाडौं जावलाखेलमा निधन भएको गाउँपालीकाकी उपाध्यक्ष मिना भण्डारीले बताईन् ।

अध्यक्ष थापाले गत माघ महिनादेखि गाउँपालीकाको कार्यालयमा नगई ब्लड क्यान्सरको उपचार गराई रहेका थिए । स्थानीय तहको निर्वाचनमा २०७४ सालमा नेपाली कांग्रेसबाट गुल्मीदरबार गाउँपालिकाको अध्यक्ष पदमा निर्वाचित भएका थिए । अध्यक्ष थापाका चार भाइ छोरा रहेका छन्।