नेपालकै ‘होची’ महिला कपिलवस्तुमा भेटिइन्, विश्वमा दोश्रो होचो दावी

मायादेवी अनलाइन, चारनम्बर ।
नेपालकै होचो कदकी महिला कपिलवस्तुमा भेटिएकी छिन् । जिल्लाको बाणगंगा नगरपालिका वडा नम्बर ४ झुँगामा आरती सुनार नाम गरेकी बालिका भेटिएकी हुन् । १७ बर्षकी आरती ६८ दशमलव ५८ सेन्टमिटर अर्थात् २७ इन्च उचाईकी छिन् ।

आमा गोविन्ददेवी सुनार र बुबा गुप्त बहादुर सुनारको कोखबाट भारतको आसाममा जन्मिएकी आरतीको तौल जम्मा साढे ५ किलो रहेको मायादेवी अनलाइनले प्राप्त गरेको छ । एक बर्षअघि गण्डकी प्रदेशको पर्वतबाट परिवारको साथ बसाई सरेर कपिलवस्तु आएको आरतीकी आमा गोविन्ददेवी सुनारले मायादेवी अनलाइनसंग बताउनु भयो ।

उहाँका अनुसार जन्मदा आरती ७०० ग्राम थिइन् । गोविन्दादेवीको परिवारमा २ छोरा र १ छोरी छन् । त्यसमध्ये आरती कान्छी छोरी हुन् । अहिले आरतीको अवस्था सामान्य छ । आमाका अनुसार आरती हाँस्ने, बोल्ने, खेल्ने, गीत गाउने नाच्ने आदि गर्दछिन् । उनको बोली ‘तोते’ नबुझिने खालको छ । आमाले मायादेवीलाई बताउनु भएअनुसार आरतीको शरीरमा रगतको कमी छ । आरतीमा भोक नलाग्ने समस्या रहेको पनि उहाँले मायादेवीलाई बताउनु भयो ।

यसैको उपचारको लागि परिवारले स्थानीय अस्पताल, बुटवल र पोखरामा जाँच गरिसकेका छन् । एक पटक काठमाण्डौँको कान्ति बाल अस्पतालमा जाँच गराउने परिवारले सोँच बनाएको छ । तर आर्थिक अभावले काठमाण्डौँ जान नसकिएको भन्दै आमा गोविन्ददेवीले सहयोगको अपिल गर्नु भएको छ ।

यस कारण आरती नेपालकै होेची महिला दाबी
आरतीलाई नेपालकै होचो दावी गर्ने आधार देखिएको छ । आरतीलाई भेटिसके पछि मायादेवी टिमले उनको तौल र उचाई पनि नाप गरेको थियो । त्यसपछि ‘गुगल’लाई श्रोत मानेर तुलना गर्दा आरती नेपालमै होची जीवित महिलाको रुपमा रहेकी भेटियो भने विश्वमै दोश्रो होची महिला पनि दावी गर्न सकिन्छ ।

अहिलेको आँकडामा नेपालमा मोरङकी मालती ऋषिदेव नेपालकै होचो महिलामा दर्ज छिन् । २२ बर्षकी उनी ३१ इन्चकी छन् । यो जम्मा ८१ दशमलव २८ सेन्टिमिटर हो । आरतीभन्दा मालती १३ सेन्टिमिटर कम छिन् । त्यसैले आरतीलाई नेपालकै होचो महिला दावी गर्न सकिन्छ ।

परिवार पनि सामान्य भएको र स्थानीय र राष्ट्रिय मिडियाको आँखा नपुग्दा नपुग्दा यो खबर अहिलेसम्म ओझेलमै छ । परिवारले अब नेपालमै चिनाइ दिन मायादेवीसंग विशेष अनुरोध गरेका छन् । यसो भएमा केही सहयोग मिल्ने र समाजमा हेपिएको कुरा छोपिने उनीहरुको विश्वास छ । आमा गोविन्दादेवीले बाँदर जस्तो छोरी जन्माएको भनी समाजबाट हेलाको दृष्टिले आफूलाई हेरिएको भन्दै दुख पोख्नु भयो । नेपालकी होचो प्रमाणित भएमा छोरीप्रति गर्व गर्ने उहाँले मायादेवीसंग बताउनु भयो ।

विश्वमा भने भारतको नागपुर स्थानकी ज्योति किसानी आग्वे होची जीवित महिलाको रुपमा गिनिज बुक अफ दि वल्र्डमा दर्ज छिन् । उनी आरतीभन्दा ८ इन्च कम अर्थात् २४ दशमलव ८ इन्च होची छन् । उनी आरतीन्दा १० बर्ष जेठी छन् । किसानी अहिले २७ बर्षकी रहेको मायादेवीले गुगलमा भेट्टाएको छ ।