वेस्ट इन्डिजसँग अष्ट्रेलियाको लगातार दोस्रो हार

एजेन्सी ।

घरेलु टिम वेस्ट इन्डिजले दोस्रो टी(ट्वान्टी क्रिकेटमा अष्ट्रेलियालाई पराजित गरेको छ ।ग्रोस आइसलेटमा आइतबार बिहान वेस्ट इन्डिजले अष्ट्रेलियालाई ५६ रनले हराएको हो ।वेस्ट इन्डिजले दिएको १ सय ९७ रनको लक्ष्यसहित जवाफी ब्याटिङ गरेको अष्ट्रेलिया १९ ओभर २ बलमा १ सय ४० रन जोड्दा अलआउट भयो ।

अष्ट्रेलियाका लागि मिचेल मार्सले ५४ रनको अर्धशतकीय इनिङ्स खेले । मोइसेस हेन्रिक्सले १९ रन जोड्दा जोस फिलिपेले १३ रन बनाए ।
अष्ट्रेलियालाई सस्तैमा समेट्न वेस्ट इन्डिजका ह्येडेन वाल्सले ३ तथा शेल्डन कोट्रेलले २ विकेट लिए ।यस अघि पहिले ब्याटिङ गरेको वेस्ट इन्डिजले २० ओभरमा ४ विकेट गुमाएर १ सय ९६ रन बनाएको थियो ।

वेस्ट इन्डिजका शिम्रम हिटमायरले ६१ रनको अर्धशतकीय इनिङ्स खेले । ड्वाने ब्राभोले अविजित ४७ रन जोड्दा लेन्डल सिमोन्सले ३० रन बनाए । आन्द्रे रसेल २४ रनमा अविजित रहे ।

अष्ट्रेलियाका जोस हाजलउड, एस्टन अगर र मिचेल मार्सले १र१ विकेट लिए ।यस जितसँगै पाँच खेलको सिरिजमा वेस्ट इन्डिजले २(० को अग्रता बनाएको छ ।पहिलो खेलमा वेस्ट इन्डिजले १८ रनको जित निकालेको थियो ।