भिडियो खिच्ने विषयमा विवाद हुँदा कपिलवस्तुमा एक युवकको मृत्यु

मायादेवी अनलाइन, चारनम्बर ।
कपिलवस्तुमा कुटपिट पछि हत्या गरि फरार रहेका दुईजना पक्राउ परेका छन् । यही असार १५ गते जिल्लाको मायादेवी गाउँपालिका-४ पिपरा बस्ने जाबेद मुसलमान र बद्दाम भन्ने ईस्तियाक अहमद मुसलमानबीच भिडियो खिचेको विषयमा सामान्य विवाद भएको थियो ।

विवादको विषयलाई लिएर बद्दाम भनिने ईस्तियाक अहमद मुसलमानले जाबेद मुसलमानको टाउकोमा काठको खटियाको पाटीले हानेका थिए ।

बद्दामको कुटाइबाट घाइते भएका जाबेद मुसलमानको भीम अस्पताल भैरहवा रुपन्देहीमा उपचारको क्रममा असार १६ गते मृत्यु भएको थियो ।

उक्त घटनामा संलग्न मध्येका मायादेवी गाउँपालिका ४ निवासी २८ बर्षीय सद्दाम अहमद मुसलमान र २१ बर्षीय ईस्तियाक अहमद मुसलमानलाई प्रहरीले पक्राउ गरेको हो ।