संचार विधेयकका विरुद्ध पत्रकार महासंघ चरणबद्ध आन्दोलनमा

बुटवल ।
लुम्बिनी प्रदेश सरकारले संसदमा पढाएको संचार विधेयक स्वतन्त्र प्रेस विरोधी रहेको भन्दै पुर्नलेखनका लागि नेपाल पत्रकार महासंघले आन्दोलन शुरु गरेको छ । सरोकारवाला पक्षसंग गहन छलफल नगरी निरङ्कुशशैलीको संचार विधेयक अघि बढाएको भन्दै महासंघले पहिलो चरणको आन्दोलन शुरु गरेको हो ।

यस अघि प्रदेश सरकारका आन्तरिक मामिला तथा कानुन मन्त्रीलाई भेटेरै विधेयक पुर्नलेखनको वातावरण अघि बढाउन माग गरेपनि सुनुवाई नभएपछि आन्दोलनको तयारीमा लागेको महासंघका लुम्बिनी प्रदेश अध्यक्ष वसन्त गिरीले बताए । उनले संवैधानिक हक अधिकारसमेत कुण्ठित गर्ने गरि कानुन निमार्णको प्रयास भएकोले त्यसका विरुद्ध महासंघ आन्दोलनमा जानुको विकल्प नभएको बताए । उनले भने – पत्रकारहरु कै कलम रोक्ने आशयले विधेयक आएको महसुस भएको छ, त्यसकारण यो खारेज गरेर पुर्नलेखनको वातावरणका लागि हाम्रो आन्दोलन हो ।

समाचार लेखेकै भरमा जेल संजाय देखि डण्डजरीवाना राखेर शाही सासनको झल्को दिने गरि कानुन निमार्णको प्रयास गर्नु गंभिर आपत्तीको विषय भएकोले यसका विरुद्ध आवाज उठान सम्वध सबैलाई गिरीले अपिल गरे ।

पत्रकार महासंघ लुम्बिनी प्रदेश समितिको आह्वानमा आइतवार प्रदेशका १२ जिल्लामै विरोधका कार्यक्रम शुरु हुने भएका छन् । पहिलो चरणमा प्रमुख जिल्ला अधिकारी मार्फत मुख्यमन्त्री शंकर पोख्रेललाई विरोधस्वरुप ज्ञापन पत्र बुझाईने महासंघका महासचिव विक्रम खड्काले बताए । उनका अनुसार आइतवार ११ वजे ११ जिल्लामा पत्रकार महासंघ जिल्ला शाखाको नेतृत्वमा र रुकुम प्रर्वमा त्यहाँ रहेका पत्रकार सम्वध संघ संगठनका प्रमुखहरुको नेतृत्वमा प्रमुख जिल्ला अधिकारीमार्फत मुख्यमन्त्रीलाई ज्ञापन पत्र बुझाईने छ ।

नेपाल पत्रकार महासंघ कपिलवस्तु शाखाले जिल्ला प्रशासन कार्यालय तौलिहवामा ज्ञापनपत्र बुझाउने जनाएको छ । कार्यक्रममा सहभागी हुन महासंघले जिल्लाका अगुवा पत्रकाहरु, संघ संगठनका प्रतिनिधीहरु र आम संचारकर्मीहरुलाई आग्रह गरेको छ । पहिलो चरणको कार्यक्रम पछि पनि सराकारले संवेदशिलता नदेखाएमा त्यसका विरुघ अझै कडा खालका आन्दोलनका कार्यक्रमहरु संचालन गर्ने महासंघको तयारी रहेको छ ।

प्रदेश सरकारले तयार गरेको संचार माध्यम सम्वन्धी उक्त विधेयक प्रदेश सभामा पढाएको छ । जसमा गंभिर खालका व्यवस्थाहरु राखिएको भन्दै सर्वत्र आलोचना भैरहेको छ । पत्रकारहरुलाई कानुनको डण्डा देखाएर स्वार्थपुर्तिको सपना कसैले देखेको भए त्यो पुरा नहुने नेपाल पत्रकार महासंघका केन्द्रिय अध्यक्ष विपुल पोख्रेलले बताए ।

लुम्बिनीको संचार विधेयकका विषयमा नेपाल पत्रकार महासंघ निकै गंभिर रहेको भन्दै त्यसका विरुद्ध आन्दोलनको विकल्प नभएको बताए । यो विषयमा नेपाल पत्रकार महासंघ लुम्बिनीले पटक पटक सरोकारवालाहरुसंग भर्चुवल र भौतिक रुपमै पनि कार्यक्रम चलाउदै आएको छ ।