मायादेवी अनलाइन, जितपुर ।
कपिलवस्तुको वाणगंगा नगरपालिकास्थित चप्परगाउँमा भएको स्कारपियो दुर्घटनाका घाइते मध्ये एक जनाको मृत्यु भएको छ । मृत्यु हुनेमा रुपन्देहीको ओमसतिया गाउँपालिका निवासी विक्रम खनाल रहेको इलाका प्रहरी कार्यालय पिपराले जनाएको छ । वाणगंगा ८ चप्परगाउँमा आज (शुक्रबार) दिउँसो पूर्वबाट पश्चिमतर्फ जादै गरेको बा १६ च ८०९८ नम्बरको स्कापियो दुर्घटना भएको हो । स्कारपियो सडकबाट नालामा खसेको छ ।
चार जना सवार स्कारपियोमा रुपन्देहीको ओमसतिया गाउँपालिकाका बिमल अधिकारी पनि घाइते भएको इलाका प्रहरी कार्यालय पिपराका इन्सपेक्टर दिनेश गुरुङले जानकारी दिनुभयो । अरुको स्वास्थ्यस्थिति सामान्य रहेको छ ।
दुर्घटना तीव्र गतिको कारण भएको जनाइएको छ। स्रोतका अनुसार स्कारपियो विवाहमा सहभागी हुन पश्चिम तर्फ जादै थियो ।
यो पनि पढ्नुहोस अपडेटः कपिलवस्तुको चप्परगाउँमा भएको स्कारपियो दुर्घटनामा एक जनाको मृत्यु
प्रतिक्रिया