कपिलवस्तुको चप्परगाउँमा स्कारपियो दुर्घटनाः २ जना घाइते एकको अवस्था गम्भीर

मायादेवी अनलाइन, जितपुर ।

कपिलवस्तुको वाणगंगा नगरपालिकास्थित चप्परगाउँमा स्कारपियो दुर्घटना हुँदा २ जना घाइते भएका छन् । वाणगंगा ८ चप्परगाउँमा आज (शुक्रबार) दिउँसो पूर्वबाट पश्चिमतर्फ जादै गरेको बा १६ च ८०९८ नम्बरको स्कापियो दुर्घटना भएको हो ।

स्कारपियो सडकबाट नालामा खसेको छ । दुर्घटनामा रुपन्देहीको ओमसतिया गाँउपालिका निवासी बिक्रम खनाल र बिमल अधिकारी घाइते भएका छन् । घाइते मध्ये एकको अवस्था गम्भीर रहेको इलाका प्रहरी कार्यालय पिपराका इन्सपेक्टर दिनेश गुरुङले जानकारी दिनुभयो ।

उक्त गाडीमा कति सवार थिए र कसरी दुर्घटना भयो भन्नेबारे थप अनुसन्धान भैरहेको गुरुङले बताउनुभयो । दुबै उनीहरुलाई थप उपचारका लागि बुटवल पठाइएको छ ।