सरकारलाई उद्धार र राहतमा जुट्न प्रचण्डको आग्रह, कार्यकर्तालाई पनि परिचालित हुन निर्देशन

काठमाडौं ।

नेकपा माओवादी केन्द्रका अध्यक्ष प्रचण्डले बाढी(पहिरो प्रभावितहरुको सेवामा जुट्न पार्टीका नेता(कार्यकर्ताहरुलाई निर्देशन दिएका छन् ।

प्रचण्डका प्रेस सल्लाहकार विष्णुप्रसाद सापकोटा (जुगल) का अनुसार प्रचण्डले बुधबार बिहान टेलिफोन गरी स्थानीय सरकार, जिल्ला प्रशासन र सुरक्षा निकायसँग समन्वय गरी प्रभावित क्षेत्रमा परिचालित हुन निर्देशन दिएका हुन् ।

अध्यक्ष प्रचण्डले सरकारलाई पनि बाढी पहिरो प्रभावितहरुको उद्धार तथा राहतलाई तीव्रता दिन दिन भन्नु भएको छ ।’ सापकोटाले भने, ‘

सापकोटाका अनुसार प्रचण्डले अर्थमन्त्री विष्णु पौडेललाई पनि टेलिफोन गरी नदी कटान रोक्नका लागि आवश्यक बजेटको व्यवस्था गर्न भनेका थिए । सापकोटाले भने, ‘चितवन लगायतका जिल्लाहरुमा बाढीबाट हुने कटान र डुबानको लागि बजेटको प्रवन्ध गर्न अर्थमन्त्रीलाई भन्नु भएको छ । अर्थमन्त्रीले पनि हुन्छ भन्नु भएको छ ।’

केही दिनयताको अविरल वर्षाका कारण सिन्धुपाल्चोकसहित गण्डकी र लुम्बिनी प्रदेशका जिल्लाहरुमा बढी क्षति पुगेको छ ।