थप २७४५ जनामा कोरोना संक्रमण, ४१ जनाको मृत्यु

काठमाडौँ ।

नेपालमा पछिल्लो चौबीस घन्टामा थप २ हजार ७ सय ४५ जनामा कोरोना संक्रमण पुष्टि भएको छ । मंगलबार देशभर ४१ जना कोरोना संक्रमितको मृत्यु भएको छ । यससँगै हालसम्म देशभर कोरोनाबाट मृत्यु हुनेको संख्या ८ हजार ५ सय ६ पुगेको छ ।

यस्तै गत चौबीस घन्टामा ४ हजार १ सय ८७ जना कोरोना संक्रमित डिस्चार्ज भएका छन् भने देशभर ६३ हजार २५७ सक्रिय संक्रमित रहेका छन् ।
गत चौबीस घन्टामा ७ हजार ४ सय ४९ पीसीआर तथा ५ हजार ८ सय ४१ एन्टिजेन परीक्षण भएको छ ।