गण्डकीमा नयाँ सरकार गठनको आह्वान

पोखरा ।
मुख्यमन्त्री पृथ्वी सुब्बा गुरुङले विश्वासको मत पाउन नसकेपछि गण्डकी प्रदेशमा नयाँ सरकार गठनका लागि प्रदेश प्रमुखले आह्वान गरेकी छन्।

मुख्यमन्त्री गुरुङले संविधानको धारा १६८ को उपधारा (४) बमोजिम प्रदेश सभाबाट विश्वासको मत प्राप्त गर्न नसकेकाले संविधानको धारा १६८ को उपधारा (५) बमोजिम मुख्यमन्त्री नियुक्ति गर्न आइतबार दिउँसो ३ बजेसम्म प्रदेश सभामा विश्वासको मत प्राप्त गर्न सक्ने अवस्था भएमा संविधानको धारा १६८ को उपधारा (२) बमोजिम प्रदेश सभाका सदस्यहरुलाई प्रदेश प्रमुख सीता पौडेलले आह्वान गरेकी हुन्।

अर्को प्रदेश मन्त्रिपरिषद् गठन नभएसम्म मौजुदा मन्त्रिपरिषद्ले कार्य गर्ने गरी संविधानको धारा १६९ को उपधारा (३) बमोजिम प्रदेश प्रमुख पौडेलले तोकेको पनि प्रदेश प्रमुखको कार्यालयबाट जारी विज्ञप्तिमा उल्लेख छ।