कपिलवस्तुमा थप २ संक्रमितको मृत्यु

मायादेवी अनलाइन, जितपुर ।

कपिलवस्तुमा कोरोना संक्रमणबाट थप २ जनाको मृत्यु भएको छ । स्वास्थ्य कार्यालय कपिलवस्तुका अनुसार कपिलवस्तु नगरपालिकाका एक महिला र विजयनगर गाउँपालिकाका एक पुरुषको मृत्यु भएको हो ।

योसंगै जिल्लामा कोरोना संक्रमणबाट ज्यान गुमाउनेको संख्या १८१ पुगेको छ । यस्तै पछिल्लो २४ घण्टामा १८ जनाले कोरोना जितेका छन् भने २६ संक्रमित थपिएसंगै सक्रिय संक्रमित संख्या ७५८ पुगेको छ । जिल्लामा कोरोना नियन्त्रणका लागि चौथो चरण अन्तरगत जेष्ठ २४ गतेसम्म निषेद्याज्ञा जारी गरिएको छ ।