वाणगंगाका २ सहित कपिलवस्तुमा थप ३ संक्रमितको मृत्यु

मायादेवी अनलाइन, जितपुर ।

कपिलवस्तुमा बिहीबार थप ३ संक्रमितको मृत्यु भएको छ । १ जनाको तौलिहवास्थित आइसोलेसनमा र २ जनाको बुटवल कोरोना अस्पतालमा मृत्यु भएको हो । वाणगंगा नगरपालिका वडा नम्बर– ७ का एक पुरुष र वडा नम्बर– २ का एक पुरुषको मृत्यु भएको हो ।

यस्तै कपिलवस्तु नगरपालिका– ११ का एक पुरुषको पनि मृत्यु भएको स्वास्थ्य कार्यालय कपिलवस्तुका कोरोना नियन्त्रण फोकल पर्सन उमेश घिमिरेले जानकारी दिनुभयो ।

यो संगै जिल्लामा कोरोना संक्रमणबाट ज्यान गुमाउनेको संख्या १७३ पुगेको छ । यस्तै पछिल्लो २४ घण्टामा ६२ संक्रमित थपिएसंगै सक्रिय संक्रमित संख्या १२४६ पुगेको घिमिरेले बताउनुभयो ।