गुल्मी ।
प्रधानमन्त्री केपी शर्मा ओलीले दोस्रो पटक प्रतिनिधि सभाको विघटन गरेपछि बुधबार गुल्मीमा पाँच राजनीतिक दलले संयुक्त विज्ञप्ति निकाल्दै विरोध जनाएका छन् ।
प्रधानमन्त्री ओलीले नेपाली जनताको लामो त्याग बलिदान र संघर्षबाट प्राप्त ऐतिहासिक उपलब्धिलाई समाप्त गर्दै निरंकुश र सर्वसत्तावाद मार्फत मुलुकलाई अस्थिरतातर्फ धकेलेको उनीहरुको आरोप छ ।
संविधानको संरक्षणको दायित्व रहेका राष्ट्रपतिले समेत प्रतिनिधि सभाका बहुमत सदस्यहरुको हस्ताक्षरसहित पेश भएको दावीपछि प्रधानमन्त्री नियुक्त गर्नुपर्ने संवैधानिक दायित्वबाट विमुख भइ नेपालको संविधान र लोकतन्त्रमाथि नै गम्भीर प्रहार गरेको पाँच दलले विज्ञप्ति जारी गर्दै आरोप लगाएका छन् ।
विज्ञप्तिमा नेपाली काँग्रेस जिल्ला सभापति भुवन श्रेष्ठ, नेकपा माओवादीका सचिव वीर बहादुर कार्की, एमाले गुल्मी सचिव सोमनाथ सापकोटा, जनता समाजवादीका उपाध्यक्ष घनश्याम पाण्डे र राजमोका हरि न्यौपानेको हस्ताक्षर रहेको छ ।
प्रतिक्रिया