बर्दियामा पाटेबाघको आक्रमणबाट ७४ वर्षीय वृद्ध घाइते

काठमाडौं ।
बाघको आक्रमणबाट बर्दियामा एक जना घाइते भएका छन् । बुधबार अपराह्न जिल्लाको मधुवन नगरपालिका–१ स्थित औराही सामुदायिक वनमा बाख्रा चराइरहेको अवस्थामा ईन्द्रपुरका ७४ वर्षीय लालबहादुर थारुलाई बाघले आक्रमण गरेको हो ।

आक्रमणबाट उनको अनुहार र दाहिने खुट्टामा चोट लागेको प्रहरीले जनाएको छ । बर्दिया प्रहरीकाअनुसार बाघको आक्रमणपछि प्रतिकारमा थारुले आफ्नो साथमा रहेको खुर्पाले हिर्काएपछि बाघ भागेको थियो ।

घाइते थारुको हाल बर्दिया अस्पतालमा उपचार भइरहेको छ ।