सशस्त्र प्रहरीको गोली लागेर मृत्यु भएकालाई शहिद घोषणा गर्न माग

नवलपरासी
सशस्त्र प्रहरीको गोली लागी मृत्यु भएका नवलपरासीका अभिनाश राजभरलाई शहिद घोषणा गर्न र दोषीलाई कारबाही गर्न स्वतन्त्र राजनितिक समूहले माग गरेको छ ।

बुधबार विहान साढे ९ बजे सुस्ता गाउँपालिका ५ बनकट्टी सीमा स्थित नथुई नाकामा स्थानीय र शसस्त्र प्रहरीबीच भएको झडपका क्रममा उनको मृत्यु भएको थियो ।

समूहले जारी गरेको विज्ञप्तिमा राजभरलाई तत्काल शहिद घोषणा गर्न, पीडित परिवारलाई उचित क्षतिपूर्तिको व्यवस्था मिलाउन र घटनाको छानबिन गर्न गठित समितिले घटनाको सत्यतथ्य छानबिन गरि दोषिहरुलाई कडा भन्दा कडा कार्वाही गर्न माग गरिएको छ । त्यसैगरि स्वतन्त्र राजनीतिक समूहले प्रमुख जिल्ला अधिकारी धर्मेन्द्र मिश्रलाई यसबारे ज्ञापनपत्र समेत बुझाएको छ ।

प्रतापपुर ६ कठहवाँ बस्ने २२ वर्षीय अविनाशको मृत्यु बारे राष्ट्रिय मानवअधिकार आयोगले समेत चासो व्यक्त गरेको छ ।