लेष्टरमाथि चेल्सीको संघर्षपूर्ण जित

एजेन्सी ।

इंग्लिस प्रिमियर लिग फुटबलमा चेल्सीले लेष्टर सिटीलाई पराजित गरेको छ ।मंगलबार राति भएको खेलमा चेल्सीले लेष्टरलाई २-१ गोल अन्तरले परजित गरेको हो ।घरेलु मैदानमा खेलको ४७ औं मिनेटमा एन्टोनियो रुडिगरले गोल गर्दै चेल्सीलाई अग्रता दिलाएका थिए ।

६६ औं मिनेटमा जोर्गिन्होले पेनाल्टीमा गोल गर्दै चेल्सीको अग्रता २-० को बनाए ।त्यसपछि खेलको ७६ औं मिनेटमा केलीची इहिनाचोले एक गोल फर्काए पनि चेल्सी २-१ ले विजयी भयो ।जितसँगै चेल्सीले ३७ खेलमा ६७ अंक जोडेको छ । चेल्सी तेस्रो स्थानमा उक्लिएको छ ।

लेष्टर ६६ अंक जोडेर चौंथो स्थानमा रहेको छ ।चेल्सी र लेष्टर दुबैको शीर्ष चारमा रहदै च्याम्पियन्स लिगमा छनोट हुने सम्भावना कायम रहेको छ ।