बाणगंगामा ट्रकले स्कुटरलाई ठक्कर दियो, वडा नम्बर १ का मल्लको मृत्यु

मायादेवी अनलाइन, चारनम्बर ।

कपिलवस्तुको वाणगंगा नगरपालिकामा मंगलबार (आज) विहान सवारी दुर्घटनामा परी एक युवकको मृत्यु भएको छ । सिद्धार्थ क्याम्पस नजिकै बुड्चीमा भएको दुर्घटनामा परी वडा नं. १ बस्ने ४३ बर्षीय बिनोद मल्लको मृत्यु भएको इलाका प्रहरी कार्यालय पिपराले जनाएको छ ।

प्रहरीका अनुसार पश्चिमबाट पूर्वतर्फ गइरहेको ना ७ ख ८६९० नम्बरको ट्रकले मल्ल सवार स्कुटरलाई ठक्कर दिएको थियो ।

त्यसपछि गम्भीर घाइते बनेका मल्ललाई उपचारका लागि प्रादेशक अस्पताल बुटवलमा लैजाने क्रममा बाटोमै मृत्यु भएको प्रहरीले जनाएको छ । अहिले ट्रक र चालक नियन्त्रणमा आइसकेका छन् । उनीहरु विरुद्ध ज्यानमारा मुद्धा दर्ता भइसकेको छ ।