कोरोना अपडेटः मृतकको संख्यामा रेकर्ड, २४ घण्टामा ८८ जनाको ज्यान गयो

काठमाण्डौ । नेपालमा कोरोना संक्रमण हुने र मृत्यु हुनेको संख्याले दिनुहुँ ररेकर्ड कायम गर्न थालेको छ । पछिल्लो २४ घण्टामा अहिलेसम्मकै धेरै आठ हजार आठ सय ८५ जनामा कोरोना भाइरसको सङ्क्रमण पुष्टि भएको हुँदा ८८ जनाले ज्यान गुमाएका छन् ।
१८ हजार सात सय ८७ जनाको पीसीआर परीक्षण गर्दा आठ हजार सात सय ७७ जना र पाँच सय सात जनाको एन्टिजेन परीक्षण गर्दा ७३ जना गरी आठ हजार आठ सय ८५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यस्तै थप ८८ जनाको कोरोना सङ्क्रमणबाट ज्यान गएको छ । पछिल्लो २४ घण्टामा ५२ जना र यसअघि ज्यान गुमाएकाहरूको विवरण प्राप्त भएको २६ जना गरी ८८ जनाको ज्यान गएको हो ।
अहिले नेपालमा ८८ हजार एक सय ६० जना सक्रिय सङ्क्रमित रहेका छन् ।