कोरोनाको दोस्रो लहरमा कपिलवस्तुः एकै दिनमा ६० संक्रमित थपिए, १ जनाको मृत्यु

मायादेवी अनलाइन, जितपुर ।
कपिलवस्तुमा शनिबार (आज) थप ६० जनामा कोरोना भाइरस संक्रमण पुष्टि भएको छ । स्वास्थ्य कार्यालय कपिलवस्तुका अनुसार एन्टिजेन र पिसीआरबाट जाँच गरिएका मध्ये थप ६० जनामा संक्रमण पुष्टि भएको हो । यस्तै आज (शनिबार) कोरोना संक्रमणका कारण थप एक जनाको ज्यान गएको छ ।

जिल्लाको बुद्धभूमि नगरपालिका २ निवासी ४४ बर्षीय पुरुषको लुम्बिनी प्रादेशिक अस्पतालमा ज्यान गएको स्वास्थ्य कार्यालय कपिलवस्तु कोरोना फोकल पर्सन उमेश घिमिरेले जानकारी दिनुभयो ।

यो संगै जिल्लामा कोरोनाबाट ज्यान गुमाउनेको संख्या ६४ पुगेको छ । यस्तै जिल्लामा ८ सय ९१ जना कोरोनाका सक्रिय केस रहेको छ । शुक्रबार जिल्लामा ४२ संक्रमित थपिदा दुई जनाको निधन भएको थियो ।