कोभिडको कारण बाणगंगाका ३९ वर्षीय पुरुषको मृत्यु

मायादेवी अनलाइन, चारनम्बर ।

कपिलवस्तुुको बाणगंगा नगरपालिकामा थप एक जना कोरोना संक्रमितको मृत्यु भएको छ । वडा नं. ७ का ३९ बर्षीय पुरुषको मृत्यु भएको नगरपालिकाले जनाएको छ ।

नगरका स्वास्थ्य शाखा प्रमुख ठगराज पौडेलका अनुसार श्वास प्रश्वासमा समस्या देखिएपछि बुटवल लैजाने क्रममा आज बिहान बाटोमै मृत्यु भएको हो ।

यससँगै बाणगंगामा कोरोना सङक्रमणको दोस्रो लहरमा मृत्यु हुनेको संख्या ८ पुगेको छ भने जिल्लामा मृतकको संख्या ५३ पुगेको छ ।