परीक्षा चले पनि नचले पनि आजबाट देशभरका विद्यालय स्वतहः बन्द

मायादेवी अनलाइन, चारनम्बर ।

सरकारले देशभरका विद्यालय बन्द गर्ने निर्णय गरेको छ । मन्त्रिपरिषद्को सोमबार बसेको बैठकले कोभिड–१९ संकट व्यवस्तथापन केन्द्र –सीसीएमसी को सिफारिस अनुसार निर्णय गरेको एक मन्त्रीले जानकारी दिनुभयो । यससंगै परीक्षा चले पनि नचले पनि अब देशभरका विद्यालय स्वतहः बन्द भएका छन् । मन्त्रीपरिषद्को निर्णय आए पनि विद्यालयमा चलेका परीक्षा के हुन्छन् भन्नेमा अभिभावक द्धिविधा रहेको थियो ।
कपिलवस्तुको बाणगंगा नगरपालिकाका अभिभावक र विद्यार्थीमा पनि यस खालको द्धिविधा थियो । एक सूचना जारी गरेर आजबाट सबै परीक्षा अर्को सूचना जारी नभएसम्मको लागि बन्द भएको नगरको शिक्षा, युवा तथा खेलकुद शाखाका प्रमुख बाबुराम भट्टराइले मायादेवी अनलाइनसंग बताउनु भयो ।