मायादेवी अलनाइन, चारनम्बर ।
कपिलवस्तुको बुद्धभूमि नगरपालिका वडा नं. ९ सुगरवरवामा भएको सवारी दुर्घटनाका घाइते मध्ये १ जनाको मृत्यु भएको छ ।
उपचारका लागि बुटवल पठाइएका बाणगंगा नगरपालिका २ का २७ वर्षका बस चालक कृष्ण कुवँरको मृत्यु भएको जिल्ला ट्राफिक प्रहरी कार्यलय कपिलवस्तुले बताएको छ ।
दुर्घटनामा परि २४ जना भन्दा बढी घाइते भएका छन् । जसमा रुपन्देही सैनामैना ३ का ४५ वर्षका ट्रक चालक नारायण चौधरी, बसका यात्रु बुद्धभूमि ४ का सावित्रा कुँवर, सोही ठाउँका सुमित्रा कुमाल, बुद्धभूमि २ का मुसे थारु र बाणगंगा २ कर्महनाका बस धनी विष्णु वन्जाडेको अवस्था गम्भीर रहेको प्रहरीले जनाएको छ ।
बुटवलबाट कृष्णनगर तर्फ जादै गरेको लु १ ख ५६८४ नम्वरको यात्रु वाहक वस र विपरीत दिशाबाट आउदै गरेको ना ४ ख ३०१२ नम्वरको मालबाहक ट्रक मंगलबार विहान साढे १० बजे तिर ठोक्किएको थियो ।
प्रतिक्रिया