बाणगंगाको राजापानी सामुदायिक वनको पार्कमा एक युवक मृत फेला, कुकुरले अनुसन्धान गर्दै

मायादेवी अनलाइन, चारनम्बर ।

कपिलवस्तुको बाणगंगा नगरपालिका वडा नम्बर ३ मा एक युवक मृत फेला परेका छन् । राजापानी सामुदायिक वनको पार्क भित्र अन्दाजी २५ । २६ बर्षका कपिल बेलबासे नाम गरेका युवक मृत फेला परेका हुन् ।

हातखुट्टा वाधिएको र शरिरका विभिन्न भागमा हतियारले काटिएको अवस्थामा उनको शव भेटिएको छ । घटनापछि अहिले इलाका प्रहरी कार्यालय पिपराको टोली त्यहाँ पुगेको छ । गंगोलिया घर भएका उनी होलीको उमंगपछि राति १२ वजेतिर घरबाट निस्किएका बताइएको छ । प्रहरीले उनीसंगै होटलमा वसेर खानपिन गरेका ३ जनालाई नियन्त्रणमा लिएको छ भने सत्यतथ्य पत्ता लगाउन कुकुर परिचालन गरेको छ ।

प्रहरीले अहिले घटनास्थललाई शिल गरी अनुसन्धान सुरु गरेको छ । स्थानीयले बेलबासेको हत्या गरिएको बताएका छन् । हत्या हो या अन्य कारणले बेलबासेको मृत्यु भएको भन्नेबारे प्रहरीले अझै केही बताएको छैन ।

मृतक बेलबासे केही महिनाअघि वैदेशिक रोजगारीबाट घर आएका बताइएको छ । यसबारे अनुसन्धान भइरहेको प्रहरीले जनाएको छ ।