बुद्धभूमि कर्मचारी मिलन केन्द्रले मनायो होली

मायादेवी अनलाइन, बुद्धभूमि ।
कपिलवस्तुको बुद्धभूमि कर्मचारी मिलन केन्द्रले होली पर्व मनाएको छ । बुद्धभूमि नगरपालिकाको प्राङ्गणमा आइतबार मिलन केन्द्रले होली पर्व मनाएको हो ।

नगरपालिका भित्र रहेका कर्मचारीहरुको संगठन मिलन केन्द्रले एक आपसमा शुभकामना आदान प्रदान गरेर होली पर्व मनाइएको मिलन केन्द्रका अध्यक्ष तथा नगरपालिकाका प्रमुख प्रशासकीय अधिकृत अनिल पौडेलले जानकारी दिनुभयो ।

कार्यक्रममा कर्मचारीहरुले एक आपसमा रंग लगाई होली मनाएका थिए भने होली विशेष गीत संगीतले माहोल रोमाञ्चक बनेको थियो ।

रंगहरुको पर्व होली आइतबार हिमाल, पहाड र उपत्यका क्षेत्रमा भव्य रुपमा मनाइएको छ । सोमबार तराई भेगमा होली मनाईदै छ ।