कपिलवस्तुबाट अर्घाखाँची जादै गरेको जिप दुर्घटनाः २ जना घाईते

बिष्णु कुमार आले, अर्घाखाँची ।
अर्घाखाँची जाँदै गरेको जिप कपिलवस्तुको गोरूसिङगे (पथ्थरकोट सडकखण्डमा दुर्घटना हुदा २ जना घाईते भएका छन् । बुटवलबाट किराना पसलको सामान बोकेर अर्घाखाँचीको सन्धिखर्क जाँदै गरेको लु २ च ७०२५ नम्बरको गुडिरहेको जिप सडकमा अनियन्त्रित भई बिजुलीको पोलमा ठोक्किएर दुर्घटना हुँदा सन्धिखर्क १२ का २६ बर्षिय जिप चालक बिपल श्रेष्ठ र रूपन्देही शुद्दोधन गाउँपालीका २ का २८ बर्षिय नागेश्वर थारू घाईते भएका छन् । घाईते दुबै जनालाई थप उपचारका लागि बुटवल पठाईएको ईलाका प्रहरी कार्यालय गोरूसिङगेका प्रहरी निरीक्षक कृष्ण रानामगरले जानकारी दिनु भयो । दुर्घटनामा जिपमा क्षेति भएको प्रहरीले जनाएको छ ।