कपिलवस्तुमा नेपाली सेना सवार ट्रकले ठक्कर दिँदा युवकको ज्यान गयो

मायादेवी अनलाइन, चन्द्रौटा ।
नेपाली सेना सवार ट्रकले ठक्कर दिदाँ कपिलवस्तुमा एक युवकको ज्यान गएको छ । जिल्लाको बुद्धभूमि नगरपालिका वडा ९ चम्पापुरमा ट्रकले मोटरसाइकललाई ठक्कर दिँदा शिवराज नगरपालिका वडा ५ निवासी २० वर्षीय भुवन पाण्डेको ज्यान गएको कपिलवस्तु प्रहरीले जनाएको छ ।

पूर्वबाट पश्चिम तर्फ जाँदै गरेको नेपाली सेना सवार बा १ ग २४२३ नम्बरको ट्रकले विपरित दिशाबाट आउँदै गरेको लु ३६ प ४५९८ नम्बरको मोटरसाइकललाई मंगलवार दिउँसो ठक्कर दिएको जनाइएको छ ।

ट्रकको ठक्करवाट अर्का एक जना २१ वर्षीय अमृत रोका मगर घाईते भएका छन् । घाइतेको खुट्टामा गम्भीर चोट लागेको ईलाका प्रहरी कार्यालय गोरुसिगेका प्रहरी निरिक्षक कृष्ण रानाले बताउनुभयो ।