लेष्टरले सेफिल्डलाई हराउँदा केलिचीको ह्याट्रिक

एजेन्सी । इंग्लिस प्रिमियर लिग फुटबलमा लेष्टर सिटीले फराकिलो जित निकालेको छ ।आइतबार राति भएको खेलमा लेष्टरले सेफिल्ड युनाईटेडमाथि ५-० केलिचीको ह्याट्रिकमा लेष्टरको सानदार जित

एजेन्सी । इंग्लिस प्रिमियर लिग फुटबलमा लेष्टर सिटीले फराकिलो जित निकालेको छ ।आइतबार राति भएको खेलमा लेष्टरले सेफिल्ड युनाईटेडमाथि ५-० गोलको जित निकालेको हो ।घरेलु मैदानमा लेष्टरलाई जित दिलाउन केलिची इहिनाचोले ह्याट्रिक पूरा गरे ।

यस्तै आयोजे पेरेजले एक गोल गर्दा एक गोल आत्मघाती उपहार पाएको हो ।खेलको ३९ औं मिनेटमा केलिचीले गोल गर्दै लेष्टरलाई अग्रता दिलाएका थिए ।खेलको ६४ औं मिनेटमा पेरेजले गोल गर्दा लेष्टरको अग्रता २-० को बन्यो ।

६९ औं मिनेटमा केलिचीले व्यक्तिगत दोस्रो गोल गरेपछि लेष्टरको अग्रता तेब्बर बन्यो ।खेलको ७८ औं मिनेटमा केलिचीले ह्याट्रिक पूरा गर्दै टिमलाई ४-० को अग्रता दिलाए ।त्यसपछि खेलको ८० औं मिनेटमा इथान अम्पाडुले आत्मघाती गोल गर्दा लेष्टर ५-० ले विजयी भयो ।

जितसँगै लेष्टर लिगको दोस्रो स्थानमा उक्लिएको छ ।लेष्टरले २९ खेलमा ५६ अंक जोडेको छ ।सेफिल्ड १४ अंक जोडेर पुछारमा रहेको छ । अर्को खेलमा ब्राइटनले साउथह्याम्पटनलाई २-१ ले हराएको छ ।