बाणगंगामा तेश्रो मेयर कपः उपाधिको लागि वडा नम्बर १ र २ भीँड्ने

मायादेवी अनलाइन, चारनम्बर ।
बाणगंगा नगरपालिकाले आयोजना गरेको तेश्रो मेयर कपको उपाधिको लागि वडा नम्बर १ र २ भीँड्ने भएका छन् । प्रतियोगिता अन्तर्गत बुधबार भएको सेमिफाइनल खेलमा विजयी हुँदै ती दुई वडा फाइनलमा पुगेका हुन् ।

पहिलो खेलमा विहान वडा नम्बर २ ले १ लाई २–१ गोल अन्तरले पराजित गर्यो भने अपराह्न पख सकिएको खेलमा वडा नम्बर १ र ले ६ लाई ४ शुन्य गोल अन्तरले पराजित गर्न सफल भएको हो । अब यी २ टोलीबीच विहिबार दिउसो २ बजे उपाधिको लागि भीडन्त हुने छ । ११ वडाले भाग लिएको मेयर कपमा यसअघि भएका खेलमा उत्कृष्ट प्रदर्शन गर्दै उपाधि नजिक पुगेकाले खेल निकै रोमाञ्चक हुने अनुमान गरिएको छ ।

वडा नम्बर २ ले पहिलो मेयर कपको उपाधि पनि जितेको थियो भने वडा नम्बर १ ले पहिलोपटक यो अवसर पाएको छ । विजेताले नगद ९० हजार शिल्ड, मेडल र प्रमाण पत्र पाउने छ भने उपविजेता टोलीले ६० हजार शिल्ड मेडल र प्रमाण पत्र पाउने छन् ।

यस्तै विधागत तर्फका पुरस्कार पनि दिइने नगरपालिकाले जनाएको छ । प्रतियोगितामा दर्शकको पनि उल्लेख्य सहभागिता छ ।